Barcelona ​នឹង​លក់ Dembele ​ចេញ​នៅ​ខែ​មករា​ខាង​មុខ​នេះ

ក្រុម Barcelona ​នឹង​ពិចារណា​លក់ Dembele ​ចេញ​នៅ​ខែ​មករា​ខាង​មុខ​នេះ ​ក្រោយ​ពី​ខ្សែ​ប្រយុទ្ធ​រូប​នេះ ​ធ្វើ​មិន​បាន​ល្អ​តាម​ដែល​ក្រុម​ត្រូវ​ការ។

ប្រធាន​ក្លឹប Barcelona ​បារម្ភ​ខ្លាំង​ចំពោះ​ទម្រង់​លេង​របស់ Dembele ​ក្រោយ​មក​លេង​នៅ​អេស្ប៉ាញ​១៨​ខែ ប៉ុន្តែ​មិន​ទាន់​មាន​អ្វី​ពិសេស ​ខណៈ​ដែល​តម្លៃ​ខ្លួន​របស់​គេ​វិញ​មាន​រហូត​ដល់​៩៦​លាន​ផោន​ឯ​ណោះ។ ទន្ទឹម​គ្នា​នឹង​ការ​ចង់​លក់​នេះ​ដែរ ​មាន​ក្លឹប​ដល់​ទៅ​៣​ឯ​ណោះ ​ដែល​ចង់​បាន​រូបគេ។ ​ដោយ​ក្នុង​នោះ Chelsea , Arsenal ​និង Liverpool ​ដែល​សុទ្ធ​តែ​ក្រុម​ខ្លាំង​នៅ​អង់គ្លេស​នោះ ​សុទ្ធ​តែ​ចង់​បាន​កីឡាករ​បារាំង​រូប​នេះ​ទាំង​អស់។

ចំពោះ​តម្លៃ​លក់​ចេញ​វិញ ​ក្លឹប Barcelona ​អាច​នឹង​ដាក់​៩៦​លាន​ផោន​ដដែល ​ដូច​គ្នា​នឹង​ពេល​ដែល​ពួកគេ​ទិញ​ចូល​មក​ពី​ក្រុម Dortmund ​។ ដោយ​តម្លៃ​នេះ គឺ​ខ្ពស់​ខ្លាំង​មែនទែន​សម្រាប់​ក្រុម​នៅ​អង់គ្លេស ​ក្នុង​ការ​ចំណាយ​ទិញ​កីឡាករ​ម្នាក់​។ ដូច្នេះ​ហើយ ចាំ​មើល​ថា​ក្រុម​ខ្លាំង​ទាំង​៣​ខាង​លើ​របស់​អង់គ្លេស​មួយ​ណា ហ៊ាន​ទិញ​យក Dembele ​ទៅ?ប្រភពDailyMail

 

ភ្ជាប់ទំនាក់ទំនងជាមួយ CTS SPORT