ខ្សែបម្រើ Kevin de Bruyne បានអះអាងថាក្រុមបែលហ្សិកមិនមែនជាក្រុមដែលអាចចាត់ទុកថានឹងប្រជែងពានរង្វាន់ FIFA World Cup 2022 នេះបានទេ ព្រោះសមាសភាពកីឡាករប្រែប្រួលអស់ហើយ។
Bruyne បាននិយាយបែបនេះ ក្រោយពីពួកគេទើបលេងបាន១ប្រកួតប៉ុណ្ណោះក្នុងការប្រកួត World Cup 2022 កន្លងទៅ ដោយយកឈ្នះលើក្រុមកាណាដា។ កីឡាករលេងនៅក្លឹបអាជីព Manchester City មួយនេះបាននិយាយថាបច្ចុប្បន្នបែលហ្សិកមិនដូចកាលពីឆ្នាំ២០១៨នោះទេ។ កីឡាករល្អៗជាច្រើនបានចាកចេញ ហើយកីឡាករថ្មីចូលមកក៏នៅមិនទាន់ដល់កម្រិតកីឡាករចាស់កាលពី World Cup 2018 កន្លងទៅដែរ។
កីឡាករវ័យ៣១ឆ្នាំបាននិយាយថា៖ “ខ្ញុំគិតថាឆ្នាំ២០១៨ ជាឆ្នាំដែលយើងអាចមានឱកាស។ យើងមានសមាជិកក្រុមដ៏ល្អមួយ។ ពេលនេះយើងបានកីឡាករសំខាន់មួយចំនួន។ យើងមានកីឡាករថ្មីចូលមកដែរ ប៉ុន្តែពួកគេនៅមិនទាន់ដល់កម្រិតកីឡាករនៅឆ្នាំ២០១៨នោះទេ។ ខ្ញុំឃើញថាពួកគេមិនអាចប្រជែងពានបានទេឆ្នាំនេះ”៕