ខ្សែប្រយុទ្ធ Neymar នឹងអាក់ខានលេង២ប្រកួតឱ្យក្រុមជម្រើសជាតិប្រេស៊ីលនាការប្រកួតពានរង្វាន់ FIFA World Cup 2022 នៅប្រទេសកាតា។
ខ្សែប្រយុទ្ធឆ្នើមខាងលើបានចូលលេងប្រកួតដំបូងឱ្យប្រេស៊ីល និងបានរងរបួសកជើងធ្ងន់ធ្ងរត្រូវបានប្ដូរចេញ។ ក្រោយពីពិនិត្យមើលយ៉ាងល្អិតល្អន់ទៅ ក្រុមគ្រូពេទ្យប្រេស៊ីលអះអាងថា Neymar ត្រូវការពេលសម្រាក ដែលនឹងធ្វើឱ្យរូបគេអវត្ដមានពីទិលានក្នុងវគ្គសន្សំពិន្ទុ២ប្រកួតចុងក្រោយនេះ។ រូបគេនឹងអាចចូលលេងបានវិញក្នុងការប្រកួតវគ្គ១៦ក្រុមចុងក្រោយ ប្រសិនបើប្រេស៊ីលបានឡើងវគ្គបន្ដ។
២ប្រកួតដែល កីឡាករវ័យ៣០ឆ្នាំនឹងអវត្ដមាននោះរួមមានប៉ះក្រុមស្វីស និងក្រុមកាមេរូន។ យ៉ាងណាមិញ វានឹងមិនបញ្ហាធ្ងន់ធ្ងរទេសម្រាប់ក្រុមប្រេស៊ីល ព្រោះលោក Tite ដែលជាគ្រូបង្វឹក បានកោះហៅខ្សែប្រយុទ្ធដល់ទៅ៩នាក់ឯណោះក្នុងចំណោម២៦នាក់ដែលលោកនាំមកលេងនៅ World Cup 2022 នេះ៕