អ្នកប្រដាល់វ័យក្មេង ឈុត សេរីវ៉ាន់ថង ឈ្នះខ្សែក្រវាត់ និងផ្ទះវីឡា ក្រោយពីគេបានយកឈ្នះពិន្ទុលើកីឡាករ ឃីម បូរ៉ា ក្នុងការប្រកួតវគ្គផ្ដាច់ព្រ័ត្រកាលពីយប់មិញនេះ។
ការប្រកួតវគ្គផ្ដាច់ព្រ័ត្ររបស់កម្មវិធីនៅលើសង្វៀនប៉ុស្តិ៍លេខ៥នៅយប់មិញ បានធ្វើឡើងនៅទឹកដីខេត្តសៀមរាបឯណោះ។ ហើយក៏មានការចូលរួមទស្សនាពីសំណាកលោកឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ទៀ បាញ់ ផងដែរ។ ការប្រកួតប្រដាល់គុនខ្មែរ ដណ្តើមខ្សែក្រវាត់ពានរង្វាន់ «សម្ដេចពិជ័យសេនា ទៀ បាញ់» ដែលបានប្រើពេលចំនួន១០សប្តាហ៍ បានបញ្ចប់ទៅដោយ ឈុត សេរីវ៉ាន់ថង ជាអ្នកឈ្នះខ្សែក្រវ៉ាត់នេះ ដោយជាមួយប្រាក់រង្វាន់ និងផ្ទះវីឡាមួយផងដែរ។
ប្រាក់រង្វាន់ដែលពួកគេទទួលបានមាន វ៉ាន់ថង ក្លាយជាម្ចាស់ខ្សែក្រវាត់ ព្រមទាំងទទួលបានផ្ទះវីឡា១ខ្នង អមដោយប្រាក់រង្វាន់ចំនួន៦លានរៀល ចំណែកអ្នកលេខ២ ឃីម បូរ៉ា បានប្រាប់រង្វាន់ត្រឹម៥លានរៀល និងដីឡូតិ៍២ប្លង់ ដោយមានទទឹង១០ម៉ែត្រ និងបណ្តោយ២០ម៉ែត្រ (១០x២០ម៉ែត្រ)៕