Southgate ថា Kane អាចចូលលេងទល់អាមេរិកបាននៅរាត្រីនេះ នឹងអាចចូលលេងបានក្នុងការប្រកួតទល់ក្រុមជម្រើសជាតិអាមេរិកនៅរាត្រីនេះ។
Kane មានការឈឺចាប់ត្រង់កជើងក្រោយពីជួយក្រុមអង់គ្លេសយកឈ្នះលើក្រុមអ៊ីរ៉ង់ ៦-២ កាលពីថ្ងៃបើកឆាកពានរង្វាន់ FIFA World Cup 2022 ។ ក្រោយពីធ្វើការពិនិត្យពីសំណាកក្រុមគ្រូពេទ្យទៅ នៅពេលនេះរូបគេមិនមានបញ្ហាអ្វីធ្ងន់ឡើយ ដោយអាចចូលហាត់ជាមួយក្រុមបានធម្មតា ហើយក៏អាចនឹងលេងបានទៀតនៅរាត្រីនេះ ដោយប៉ះក្រុមអាមេរិកសម្រាប់ការប្រកួតទី២។ អង់គ្លេស ទាមទារជ័យជម្នះក្នុងការប្រកួតមួយនេះទៀត ដើម្បីធានាកៅអីឡើងទៅវគ្គ១៦ក្រុមចុងក្រោយ។
បើតាមលោក Southgate គ្រូបង្វឹកក្រុមអង់គ្លេសបាននិយាយថា៖ “គាត់ធម្មតាមិនរបួសធ្ងន់ឡើយ។ គាត់នឹងហាត់ពេញលេញវិញដើម្បីត្រៀមប្រកួតជាមួយអាមេរិក។ យើងនាំគាត់ទៅស្កេនដើម្បីចង់ដឹងច្បាស់ពីបញ្ហារបួសប៉ុណ្ណោះ។ លទ្ធផលបានចេញមក វាមិនមែនរបួសកជើងនោះទេ វាគ្រាន់តែជាការប៉ះទង្គិចជើងច្រើនជាង។ គាត់នឹងបានជួយក្រុមបន្ដទៀតក្នុងការប្រកួតខាងមុខ”៕