ខ្សែប្រយុទ្ធ Son Heung-min បានសុំទោសពលរដ្ឋកូរ៉េខាងត្បូងទាំងអស់ដែលបានចេញមកគាំទ្រ ចំពោះការមិនអាចយកឈ្នះលើក្រុមអ៊ុយរុយហ្គាយបានក្នុងពានរង្វាន់ FIFA World Cup 2022 ។
ក្នុងការប្រកួតរវាងក្រុមទាំងពីរនេះ ឃើញថាកម្រិតលេងរបស់ពួកគេប្រហាក់ប្រហែលគ្នាតែម្ដង សម្រុកទៅសម្រុកមក ហើយចុងបញ្ចប់បានត្រឹមស្មើគ្នា ០-០ ជាមួយការស៊ុតចំគោលដៅគ្មានសូម្បី១ជើង។ ការយកបានត្រឹមម្នាក់១ពិន្ទុពីការប្រកួតបើកឆាកនេះដែរ បានធ្វើឱ្យ Son Heung-min ចេញមុខនិយាយសុំទោសអ្នកគាំទ្រកូរ៉េខាងត្បូង ដែលបង្ហាញពីភាពគាំទ្រខ្លាំងក្លាមែនទែន។
ប្រធានក្រុមរូបនេះនិយាយថា៖ “ខ្ញុំសុំទោសគ្រប់គ្នា ចំពោះលទ្ធផលស្មើគ្នានេះ។ យើងនៅសល់២ប្រកួតទៀត ខ្ញុំសង្ឃឹមថាយើងអាចបង្ហាញគ្រប់គ្នាជាមួយទម្រង់លេងដ៏ល្អមួយ។ ខ្ញុំមិនអាចនិយាយដល់វគ្គ១៦ក្រុមចុងក្រោយនោះទេ ព្រោះហ្គាណាក៏ជាក្រុមខ្លាំង ព័រទុយហ្គាល់ក៏ជាក្រុមខ្លាំង។ យើងត្រូវតែរៀបចំក្រុមឱ្យបានល្អបំផុតសម្រាប់ប្រកួតនេះ”៕