លោក Otto Addo គ្រូបង្វឹករបស់ក្រុមហ្គាណា បានអះអាងថាការផ្ដល់ប៉េណាល់ទីឱ្យទៅព័រទុយហ្គាល់គឺជារឿងសម្រេចចិត្តខុសរបស់ក្រុមមន្ត្រីអាជ្ញាកណ្ដាលហើយកាលពីយប់មិញនេះ។
ក្រុមហ្គាណាលេងទល់ក្រុមព័រទុយហ្គាល់ នៅយប់មិញនេះមិនមានគ្រាប់បាល់ទេនៅតង់ទី១ ប៉ុន្តែឈានដល់តង់ទី២មានដល់ទៅ៥គ្រាប់តែម្ដង។ ការកើតគ្រាប់បាល់ច្រើននេះ បន្ទាប់ពី Ronaldo ទទួលបានប៉េណាល់ទី១គ្រាប់មុនឱ្យក្រុមព័រទុយហ្គាល់ ទើបការប្រកួតមានការប្រែប្រួល សម្រុកគ្នាកាន់តែខ្លាំងនិងគ្រាប់បាល់កើតមានឡើងផងដែរ។
តែសម្រាប់លោក Otto Addo វិញ បានអះអាងថា១គ្រាប់ដែល Ronaldo បានប៉េណាល់ទីស៊ុតចូលនោះមិនសមផ្ដល់ឱ្យនោះទេ។ វាជាកំហុសរបស់កីឡាករវ័យ៣៧ឆ្នាំខ្លួនឯង ដែលរត់ទៅបុកជើងរបស់កីឡាករហ្គាណា មិនមែនកីឡាករហ្គាណាបង្កកំហុសលើឡើយ។ នេះជាការសម្រេចចិត្តដែលផ្លាស់ប្ដូរការប្រកួតទាំងស្រុងតែម្ដង៕