លោក Tite គ្រូបង្វឹកក្រុមជម្រើសជាតិប្រេស៊ីល បានបញ្ជាក់ច្បាស់ហើយថាខ្សែប្រយុទ្ធ Neymar នឹងស្ថិតក្នុងក្រុមប្រេស៊ីលដដែល មិនដកចេញនោះទេទោះមានបញ្ហារបួសហើយក៏ដោយ។
Neymar បានចូលលេងឱ្យប្រេស៊ីល ប្រកួតទល់ក្រុមសែបនៅយប់មិញនេះ។ ប៉ុន្ដែរូបគេបានរងរបួសកជើងរហូតត្រូវបានប្ដូរចេញផងដែរ ដោយសភាព Neymar ហាក់ដូចជាធ្ងន់ធ្ងរផងដែរ។ ខ្សែប្រយុទ្ធរូបនេះស្រក់ទឹកភ្នែកក្រោយរងរបួស ព្រោះគេដឹងថាទំនងមិនអាចចូលលេងជួយក្រុមបានទេ។ ការប្រកួត World Cup កន្លងមក គេក៏អវត្តមានដោយសារតែបញ្ហារបួសរហូតមកដែរ។
ចំពោះរឿងនេះ លោក Tite គ្រូបង្វឹកប្រេស៊ីលបាននិយាយថា Neymar កំពុងសម្រាកព្យាបាល គេនឹងបន្ដនៅជាមួយប្រេស៊ីលក្នុងព្រឹត្តិការណ៍ World Cup 2022 នេះទៀត។ ក្រុមប្រេស៊ីល នឹងមិនដកឈ្មោះគេចេញនោះទេ បើទោះជាគេមានបញ្ហារបួស ឬមិនអាចលេងប្រកួតបន្ដបន្ទាប់ទៀតក៏ដោយ៕