ខ្សែប្រយុទ្ធ Cristiano Ronaldo បានក្លាយជាកីឡាករដំបូងគេក្នុងប្រវត្តិសាស្ត្របាល់ទាត់ដែលរកគ្រាប់បាល់បានក្នុង៥សម័យកាលនៃព្រឹត្តិការណ៍ FIFA World Cup ។
ក្នុងការប្រកួត World Cup នៅយប់មិញនេះ ក្រុមព័រទុយហ្គាល់បានយកឈ្នះលើក្រុមហ្គាណាបានក្នុងលទ្ធផល ៣-២។ ដោយក្នុងចំណោម៣គ្រាប់នោះដែរ ក៏មានចំណែករបស់ Cristiano Ronaldo ១គ្រាប់ផងដែរ ដែលជាគ្រាប់បាល់ប៉េណាល់ទី។ ការធ្វើបានសម្រេចនេះ ធ្វើឱ្យកីឡាករវ័យ៣៧ឆ្នាំក្លាយជាកីឡាករដំបូងគេក្នុងប្រវត្តិសាស្ត្របាល់ទាត់ហើយ ដែលបានលេង World Cup ៥ដង និងស៊ុតតែរកគ្រាប់បាល់បានទាំង៥ដងតែម្ដង។
ក្រោយពីចប់ការប្រកួត Ronaldo បាននិយាយថា៖ “នេះជាពេលវេលាល្អបំផុត ជាការប្រកួត World Cup ទី៥របស់ខ្ញុំ។ យើងឈ្នះ យើងបានចាប់ផ្ដើមជាមួយជ័យជម្នះយ៉ាងល្អ។ ប្រកួតដំបូងពិតជាតានតឹងក្នុងការប្រកួតមួយនេះ។ កីឡាករដំបូងដែលរកបានបានគ្រាប់បាល់ក្នុងការប្រកួត World Cup ៥ដង នេះពិតជាធ្វើឱ្យខ្ញុំមានមោទកភាពណាស់”៕