លោក Hansi Flick គ្រូបង្វឹកក្រុមជម្រើសជាតិអាល្លឺម៉ង់ បាននិយាយថាក្រុមជប៉ុនរៀបចំបានល្អណាស់ក្នុងការប្រកួតនេះ ហើយការឈ្នះខ្លួនក៏មិនមែនជារឿងសំណាងផ្ដល់ឱ្យដែរ។
ក្នុងការប្រកួតពានរង្វាន់ FIFA World Cup 2022 នៅយប់មិញនេះ ក្រុមជម្រើសជាតិអាល្លឺម៉ង់បានបរាជ័យក្រោមថ្វីជើងក្រុមជើងខ្លាំងនៅអាស៊ី ជប៉ុន ក្នុងលទ្ធផល ២-១ យ៉ាងគួរឱ្យភ្ញាក់ផ្អើល។ នេះជាលើកទី១ហើយដែលជប៉ុន អាចយកឈ្នះអាល្លឺម៉ង់បាន ខណៈដែលប្រកួតកន្លងមកពួកគេបានត្រឹមស្មើប៉ុណ្ណោះ។
ចំពោះការប្រកួតនេះដែរ លោក Hansi បាននិយាយថា៖ “ជប៉ុនឈ្នះយើងជាមួយគម្រោងការយ៉ាងល្អិតល្អន់បំផុត។ វាជារឿងគួរឱ្យសោកស្ដាយ យើងគ្រប់គ្រង់បាល់៧៨% នៅតង់ទី១និងមានឱកាសជាច្រើន តែមិនអាចសម្រេចបាន។ យើងត្រូវបន្ទោសខ្លួនឯង ព្រោះមិនអាចក្ដោបក្ដាប់ឱកាសបានល្អ”៕