ក្រោយពីការស្លាប់របស់លោក Vichai Srivaddhanaprabha មានមតិជាច្រើនបារម្ភចំពោះអនាគតរបស់ក្លឹប Leicester City ថាតើនរណានឹងអាចមកបន្ដដឹកនាំក្លឹបទាំងមូលនេះបាន។
ជាក់ស្ដែងទៅ កូនប្រុសរបស់លោក Vichai ដែលដើរតួនាទីជាអ្នកគ្រប់គ្រងក្រុមស្រាប់នោះ នឹងមកជំនួសតំណែងរបស់ឪពុក ធ្វើជាម្ចាស់ក្លឹបនេះតែម្ដង។ បុរសដែលមកដឹកនាំបន្ដនេះ ឈ្មោះថាAiyawatt Srivaddhanaprabha។ អ្នកគ្រប់គ្នាតែងតែហៅ លោកថា Top ជានិច្ច ព្រោះសមត្ថភាពដឹកនាំរបស់លោក មិនខុសពីឪពុកប៉ុន្មាននោះទេ។ គេសង្ឃឹមថា លោក Aiyawatt នឹងបន្ដនាំ Leicester City ឈានទៅមុខទៀត ដោយមិនមានឧបសគ្គឡើយ។
Vichai ជាសេដ្ឋីក្នុងប្រទេសថៃ មានចំណាត់ថ្នាក់លេខ៥ មានជាងគេ។ លោកបានស្លាប់ ដោយសារធ្លាក់ឧទ្ធម្ភាគចក្រកាលពីថ្ងៃអាទិត្យកន្លងទៅ ជាមួយមនុស្ស៥នាក់ទៀត ក្រោយពីចប់ការប្រកួតនៅកីឡដ្ឋាន King Power៕ប្រភព៖ dailymail
