ក្រុមអ្នកគាំទ្រជម្រើសជាតិអាហ្សង់ទីនធូរចិត្តបន្ដិចវិញហើយ បន្ទាប់ពីបានឃើញខ្សែប្រយុទ្ធ Lionel Messi អាចចូលហាត់ជាមួយសមាជិកក្រុមដទៃទៀតធម្មតា។
កាលពីពេលកន្លងទៅនេះ នៅជំរុំហ្វឹកហាត់គេមិនបានឃើញ Messi ចូលហាត់នោះទេ ដោយប្រភពអះអាងថាគេបានត្រឹមហាត់ក្នុងបន្ទប់ហាត់ប្រាណធម្មតាប៉ុណ្ណោះ។ តែយ៉ាងណាមិញនៅពេលនេះ អ្នកគាំទ្របានធូរចិត្តវិញហើយ បន្ទាប់ពីបានឃើញកីឡាករប្រធានក្រុមនេះបានហាត់ជាមួយកីឡាករដទៃទៀតជាធម្មតា។
ក្រុមការងាររបស់លោក Lionel Scaloni កំពុងយកចិត្តទុកដាក់ដល់ខ្សែប្រយុទ្ធឆ្នើមខាងលើមែនទែន ដោយសារតែគេមកលេងនៅជម្រើសជាតិនេះក៏មានបញ្ហារបួសបន្ដិចបន្ដួចផងដែរ អំឡុងចាកចេញពី PSG មក។ យ៉ាងណាមិញ វាហាក់មិនធ្ងន់ធ្ងរនោះទេ ដោយសារតែគេបានឃើញ Messi ចូលហាត់ជាមួយសមាជិកក្រុមដទៃទៀតបានហើយ។