សមាជិកក្រុមជម្រើសជាតិអង់គ្លេសនឹងទទូលបានប្រាក់លើកទឹកចិត្ត១៣លានផោន ប្រសិនបើពួកគេអាចឈ្នះពានរង្វាន់ FIFA World Cup 2022 នេះបាន។
សហព័ន្ធបាល់ទាត់អង់គ្លេសបានចេញសេចក្ដីប្រកាសលើកទឹកចិត្តដល់កីឡាករដែលចូលរួមប្រកួតពានរង្វាន់ FIFA World Cup នៅប្រទេសកាតា។ ដោយតាមការប្រកាសនោះ សមាជិកក្រុមអង់គ្លេសនឹងទទួលបានប្រាក់លើកទឹកចិត្តដល់ទៅ១៣លានផោនឯណោះ ប្រសិនបើពួកគេអាចឈ្នះពានរង្វាន់នេះបាន។ ដូច្នេះ កីឡាករម្នាក់ៗនឹងទទួលបានប្រាក់កន្លះលានផោនត្រលប់ទៅផ្ទះវិញ បើអាចសម្រេចក្ដីបំណងនេះបាន។
រំលឹកថាក្រុមដែលឈ្នះពានរង្វាន់ World Cup នៅឆ្នាំនេះ នឹងទទូលបានប្រាក់រង្វាន់ច្រើនជាងឆ្នាំណាៗទាំងអស់ ពោលគឺដល់ទៅ៤៤លានដុល្លារឯណោះ។ ដោយនេះជាប្រាក់រង្វាន់បានពី FIFA ផ្ទាល់ ដោយមិនគិតពី Sponsor នានាទៀតនោះទេ។ ដូច្នេះហើយ ទើបប្រទេសនីមួយៗបានបង្កើនប្រាក់លើកទឹកចិត្តដល់ក្រុមកីឡាករច្រើនៗមែនទែន។ ក្រុមអង់គ្លេសកាល World Cup 2018 កន្លងទៅ កីឡាករម្នាក់ៗ ត្រូវបានគេដឹងថាបានត្រឹមជាង២០ម៉ឺនផោនប៉ុណ្ណោះ បើឈ្នះ World Cup ៕