Cristiano Ronaldo បានសម្រេចចាកចេញពីក្រុម Real Madrid ទៅរួមរស់ជាមួយក្រុម Juventus វិញ កាលពីរដូវក្ដៅកន្លងទៅ ក្នុងតម្លៃខ្លួន១០០លានផោន។
នៅពេលនេះ ខ្សែប្រយុទ្ធឆ្នើមខាងលើបានប្រាប់ហេតុផលពិតប្រាកដដែលខ្លួនសម្រេចចាកចេញពីអេស្ប៉ាញហើយ។ Ronaldo បញ្ជាក់ថា៖ “ខ្ញុំមានអារម្មណ៍ថាពួកគេ មិនផ្ដល់តម្លៃឱ្យខ្ញុំដូចកាលដំបូង។ ពួកគេ គិតតែពីមុខជំនួញប៉ុណ្ណោះ ជាពិសេសប្រធានក្លឹប។ គាត់មើលមុខខ្ញុំ តែពេលធ្វើជំនួយទេ។ ដូច្នេះ វាដល់ពេលដែលខ្ញុំត្រូវចាកចេញហើយ”។
Ronaldo ផ្លាស់ទៅលេងនៅ Real Madrid ឆ្នាំ២០០៩ ដោយក្លាយខ្លួនជាវីរបុរសក្នុងក្លឹបនេះ រកគ្រាប់បាល់បានច្រើននិងជួយក្លឹបទទួលបានពានរង្វាន់ធំៗ ជាពិសេស Champions League ៣ឆ្នាំជាប់គ្នា។ ក្រោយពីការចាកចេញទៅ ក្លឹប Real Madrid ហាក់ដូចជាបាត់អ្វីម្យ៉ាង ហើយទម្រង់លេងរបស់ពួកគេក៏មិនល្អដូចមុនដែរ៕ប្រភពThesun