គ្រាមួយដ៏គួរឱ្យអស់សំណើចនៅពេលដែល Richarlison ចាប់ទាញ Fred ចេញពីកៅអី ដោយសារតែ Fred បានអង្គុយនៅកន្លែងរបស់ Neymar សម្រាប់រូបថតក្រុមប្រេស៊ីល World Cup។
ក្រុមរបស់លោក Tite ស្ថិតក្នុងចំណោមក្រុមដែលមានភាគរយខ្ពស់ក្នុងការឈ្នះពាន World Cup ឆ្នាំនេះ ជាលើកដំបូងរបស់ពួកគេក្នុងរយៈពេល ២០ឆ្នាំចុងក្រោយ។
Neymar នឹងក្លាយជាកីឡាករដ៏មានឥទ្ធិពលបំផុតរបស់ពួកគេម្ដងទៀត ខណៈដែលគេមានរយៈពេលជិតមួយទសវត្សរ៍មកហើយក្នុងការព្យាយាមលេងក្នុងពានមួយនេះ។
វាច្បាស់ណាស់ក្នុងការមើលថាតើគាត់មានការគោរពចំពោះមិត្តរួមក្រុមអន្តរជាតិរបស់គាត់កម្រិតណា។ ក្នុងចំណោមអ្នកទាំងនោះមាន Richarlison ដែលចង់ឱ្យមិត្តរបស់គាត់មានកៅអីល្អបំផុតនៅក្នុងពេលថតរូបជុំគ្នា។ គួរឱ្យស្តាយសម្រាប់ Fred ដែលត្រូវបាន Richarlison ចាប់ទាញចេញពីកន្លែងកៅអីកណ្តាល ដើម្បីទុកសម្រាប់ឲ្យ Neymar។
ដោយមិនបាននិយាយអ្វីមួយម៉ាត់ Richarlison ដើរមកចាប់ដៃខ្សែបម្រើ Manchester United ដើម្បីទាញគាត់ចេញពីកៅអី។
កីឡាករ Tottenham Hotspur លើកដៃចង្អុលទៅផ្នែកម្ខាងនៃកៅអី។ បន្ទាប់មកគាត់បាននាំ Fred ដោយមានទឹកមុខច្របូកច្របល់ ហើយបន្តចុះពីកៅអី។
កៅអីថ្មីដែល Fred អង្គុយគឺនៅចន្លោះ Raphinha និង Alex Telles ដែលមុននេះគេអង្គុយនៅជាប់ប្រធានក្រុម Marquinhos និង Neymar ៕
ប្រភព៖ Sportbible