ខ្សែប្រយុទ្ធ Lionel Messi បានអវត្តមានពីកន្លែងហ្វឹកហាត់កាលពីម្សិលមិញនេះ ជាមួយសមាជិកឯទៀតក៏អវត្ដមានដូចគ្នាដោយសារបញ្ហារបួស។
ក្នុងជំរុំហ្វឹកហាត់អាហ្សង់ទីនកាលពីម្សិលមិញនេះ កីឡាករ Messi និងសមាជិក៦នាក់ទៀតមិនឃើញមានវត្តមានចូលហាត់នោះទេ។ ក្នុងនោះដែរ Joaquin Correa និង Nicolas Gonzalez បានរងរបួសធ្ងន់ជាងគេ និងត្រូវបញ្ជូនទៅត្រលប់ទៅផ្ទះវិញផងដែរ។ លោក Lionel Scaloni ដែលជាគ្រូបង្វឹកជម្រើសជាតិអាហ្សង់ទីនមិនទាន់បានដាក់កីឡាករថ្មីចូលនៅឡើយទេ ដោយពួកគេផ្ដោតលើកីឡាករនៅក្នុងក្រុមសិន។
Messi និងកីឡាករ៤នាក់ទៀត Rodrigo de Paul , Paredes , Nicolas Otamendi និង Angel di Maria បានត្រឹមហាត់នៅកន្លែង Gym ប៉ុណ្ណោះ មិនអាចមករត់ជាមួយក្រុមនៅកន្លែងហាត់ខាងក្រៅនោះទេ។ នេះសបញ្ជាក់ឱ្យឃើញថា ពួកគេកំពុងមានបញ្ហារបួសដែរ គ្រាន់តែវាមិនធ្ងន់ធ្ងរប៉ុណ្ណោះ៕