ខ្សែប្រយុទ្ធ សៀង ចន្ធា របស់ក្លឹបបឹងកេត បានចាត់ទុកការប្រកួត៤ប្រកួតចុងក្រោយនៅពានរង្វាន់ Cambodia Premier League ដូចវគ្គផ្ដាច់ព្រ័ត្រអិចឹង ព្រោះត្រូវការឈ្នះដើម្បីអាចប្រជែងពានបាន។
នៅថ្ងៃនេះ បឹងកេត នឹងត្រូវតតាំងជាមួយក្រុមវិសាខា ប្រជែងយក៣ពិន្ទុបន្ថែមក្នុងការប្រកួត Playoff ៤ក្រុមចុងក្រោយ។ មុនការប្រកយតនេះចាប់ផ្ដើមលេង កីឡាករវ័យក្មេងជម្រើសជាតិកម្ពុជា សៀង ចន្ធា បានចាត់ទុកថាវាជាការប្រកួតសំខាន់មែនទែន។ នៅសល់៤ប្រកួតចុងក្រោយ គឺដូចការប្រកួតផ្ដាច់ព្រ័ត្រដែរ ដើម្បីអាចមានឱកាសប្រជែងពានរង្វាន់បាន។
រំលឹកថា៤ក្រុមចុងក្រោយដែលមានឱកាសលេង Playoff ដណ្ដើមពានរង្វាន់នោះមាន ព្រះខ័នរាជស្វាយរៀង នៅលេខ១ វិសាខានៅលេខ២ ភ្នំពេញនៅលេខ៣ និងបឹងកេតនៅលេខ៤។ ឆ្លងកាត់ការប្រកួតកន្លងមក និងសល់៤ប្រកួតទៀតរកឃើញជើងឯកនោះ ពេលនេះស្វាយរៀងមាន៤៦ពិន្ទុ វិសាខា មាន៤៣ពិន្ទុ ក្រោនមាន៤០ពិន្ទុ និងបឹងកេតមាន៣៩ពិន្ទុ៕