អនាគតរបស់ Julen អ្នកចាត់ការក្រុម Real Madrid ត្រូវបានគេដឹងថាអស់ត្រឹមនេះហើយ ក្រោយពីដឹកនាំក្រុមចាញ់ Barcelona ដល់ទៅ ៥-១ យប់មិញនេះ។
ជាមួយគ្នានេះដែរ Sergio Ramos ប្រធានក្រុមផ្ទាល់បានបញ្ជាក់ថារូបគេមិនហ៊ាននិយាយអ្វីឡើយចំពោះអនាគតរបស់លោក Julen ។ ប៉ុន្តែក្រុមទាំងមូលបានព្យាយាមអស់ហើយ ហើយពួកគេតែងតែគាំទ្រជានិច្ចចំពោះការសម្រេចចិត្តរបស់ថ្នាក់ដឹកនាំក្លឹប។ អនាគតរបស់លោក Julen ថាបន្ដឬមិនបន្ដ គឺមិនមែនអាស្រ័យលើកីឡាករឡើយ គឺអាស្រ័យលើថ្នាក់ដឹកនិងប្រធានក្លឹបផ្ទាល់។
ប្រភពនៅអេស្ប៉ាញបានបញ្ជាក់ថា Real Madrid សម្រេចចិត្តចែកផ្លូវជាមួយលោក Julen ទៅហើយ ដោយគ្រាន់តែមិនទាន់ប្រកាសជាផ្លូវការប៉ុណ្ណោះនៅថ្ងៃចន្ទនេះ។ ជាមួយគ្នានោះដែរ លោក Conte គឺជាបេក្ខភាពទី១ដែលនឹងមកដឹកនាំក្រុមអធិរាជសនេះបន្ដ៕ប្រភពGoal
