កីឡាករប្រដាល់កម្ពុជាដែលកំពុងឡើងកូដ អេលីត សម្ភស្យ ក៏នឹងមានវត្ដមានប្រកួតនៅកម្មវិធី Thai Fight របស់ប្រទេសថៃផងដែរនាពេលខាងមុខនេះ។
អេលីត សម្ភស្ស ជាកីឡាករប្រដាល់កម្ពុជា ដែលមានជំនាញទាំងផ្នែកសកល និងគុនខ្មែរ។ ហើយចុងក្រោយនេះ គេបានចូលប្រកួតនៅកម្មវិធី Kun Khmer All Stars ថែមទៀត និងទទួលបានជ័យជម្នះផងដែរ។ ប្រកួតនេះហើយ ក៏ធ្វើឱ្យអ្នកគាំទ្រចាប់អារម្មណ៍ទៅលើអ្នកលេងកណ្ដាប់ដៃថ្មីរបស់កម្ពុជាម្នាក់នេះផងដែរ រហូតដល់មាន Promoter ក្រៅប្រទេសចង់បានទៅប្រកួតហើយ។
ជាក់ស្ដែងស្ថាប័ន Thai Fight បានមកចរចាយករូបគេទៅចូលរួមប្រកួត។ លោកគ្រូ ស៊ន អេលីត បានបញ្ជាក់ចំពោះរឿងខាងលើនេះ និងអះអាងថាតម្លៃខ្លួនក៏គ្រាន់បើដែរ។ ប្រសិនបើគេអាចទទួលបានលទ្ធផលល្អ ឬវាយបានល្អក្នុងកម្មវិធីកម្រិតអន្ដរជាតិ Thai Fight ទៀត នោះតម្លៃខ្លួនអាចនឹងកើនឡើងទ្វេដងជាក់ជាមិនខាន។ ការប្រកួត Thai Fight នឹងធ្វើឡើងនៅថ្ងៃទី២០ខែវិច្ឆិកាឆ្នាំ២០២២ខាងមុខនេះហើយ៕