លោក Pep Guardiola បាននិយាយថាក្រុម Newcastle United គឺជាក្រុមប្រជែងពានរង្វាន់ English Premier League នារដូវកាលនេះ។
លោក Pep អាចនឹងក្លាយជាអ្នកចាត់ការដែលអាចដឹកនាំក្រុម Manchester City ឈ្នះពាន៣រដូវកាលជាប់គ្នា បន្ទាប់ពីកន្លងមកមានតែក្រុម Arsenal, Huddersfield, Liverpool និង Manchester United ទេដែលអាចធ្វើបាន។ សម្រាប់រដូវកាលនេះដែរ អ្នកចាត់ការអេស្ប៉ាញរូបនេះថានឹងពិបាកបន្ដិច ព្រោះក្រុមល្អៗច្រើន ជាពិសេសក្រុមចំណូលថ្មីដូចជា Newcastle United ជាដើម។ ក្លឹបមួយនេះទើបតែងើបឡើងវិញ ប៉ុន្តែមានសមត្ថភាពលេងបានយ៉ាងល្អតែម្ដង។
លោក Pep បានបន្ថែមទៀតថា៖ “Newcastle មានអ្នកចាត់ការល្អ និងកីឡាករក៏មានសមត្ថភាព។ ខ្ញុំគិតថាពួកគេនឹងឈរជើងនៅចំណាត់ថ្នាក់ Top នេះបានយូរ។ ពួកគេមានកាយសម្បទាល្អ ការប្រជែងបាល់ និងដណ្ដើមបាល់ពីដៃគូក៏បានល្អទៀត។ កីឡាករភាគច្រើនរបស់ក្លឹបនេះ មិនរវល់ខ្លាំងនោះទេ ដែលធ្វើឱ្យពួកគេមានកម្លាំងគ្រប់គ្រាន់ក្នុងការប្រកួត”។ រំលឹកថាក្រុម Newcastle នាពេលនេះកំពុងឈរនៅលេខ៤ក្នុងតារាង Premier League ៕