កម្ពុជានឹងធ្វើជាម្ចាស់ផ្ទះការប្រកួតកម្រិតអន្ដរជាតិពានរង្វាន់ AFC U20 Women’s Asian Cup 2024 ដែលមានក្រុមក្នុងពូលដូចជា មីយ៉ាន់ម៉ា, ម៉ាឡេស៊ី និងប៉ាគីស្ថាន។
ការចាប់ឆ្នោតបានធ្វើឡើងរួចរាល់ហើយ ដោយកម្ពុជាក្នុងនាមជាម្ចាស់ផ្ទះស្ថិតនៅពូល G ជាមួយក្រុម មីយ៉ាន់ម៉ា, ម៉ាឡេស៊ី និងប៉ាគីស្ថាន ហើយការប្រកួតនោះទៀតសោតនឹងធ្វើឡើងនៅថ្ងៃទី០៤ ដល់ថ្ងៃទី១២ ខែមីនា ឆ្នាំ២០២៣ ដើម្បីរកក្រុមចំនួន១៦ ឡើងទៅប្រកួតជុំផ្ដាច់ព្រ័ត្រ ឆ្នាំ២០២៤ នៅប្រទេសអ៊ូសបីគីស្ថាន។ ដោយនេះជាការចូលរួមប្រកួតកម្រិតអន្ដរជាតិមួយទៀតហើយសម្រាប់ក្រុមជម្រើសជាតិនារីរបស់កម្ពុជា។
ដោយឡែកក្រុមនារីកម្ពុជាក៏ទើបតែបង្កើតឡើងថ្មីៗនេះទេ និងទទួលបានការចាប់អារម្មណ៍ខ្លាំងពីបណ្ដាប្រទេសដទៃ ក្រោយពីមានចំណាត់ថ្នាក់នៅ FIFA Women Ranking ។ បច្ចុប្បន្នពួកគេស្ថិតនៅលេខ១២០ ក្នុងចំណោមសមាជិកក្រុមបាល់ទាត់នារីចំនួន១៧៦នៅលើលោកនេះ៕