ភរិយា និងសង្សារកីឡាករដែលចូលលេងព្រឹត្តិការណ៍ FIFA World Cup 2022 នៅប្រទេសកាតា នឹងស្នាក់នៅលើនាវាកម្សាន្ដយក្សមួយដែលមានតម្លៃរហូតដល់១ពាន់លានផោនឯណោះ។
នាវានេះបានចាប់ផ្ដើមធ្វើដំណើរទៅកាតាហើយ ដោយបានឆ្លងកាត់ច្រកស៊ុយអេកាលពីថ្ងៃពុធកន្លងទៅនេះ។ វាជាកន្លែងមួយដែលអ្នកល្បីៗ ជាពិសេសភរិយាកីឡាករ និងសង្សាររបស់ពួកគេស្នាក់នៅ អំឡុងពេលទៅទស្សនាការប្រកួត World Cup 2022 នេះ។ តែយ៉ាងណា បណ្ដាកីឡាករនឹងមិនអនុញាតិឱ្យចូលជួបសង្សារឬភរិយាអំឡុងពេលប្រកួតនេះទេ។ ការធ្វើបែបនេះ គឺការពារកុំឱ្យកីឡាករមានឆ្លងកូវីដ១៩ឬបញ្ហាផ្សេងៗដែលបណ្ដាលឱ្យប៉ះពាល់ក្រុមនិងការប្រកួត។
រំលឹកថានាវាកម្សាន្ដខាងលើមានតម្លៃដល់ទៅ១ពាន់លានផោនឯណោះ ដែលអាចផ្ទុកមនុស្សបានជាច្រើននាក់ និងមានភាពប្រណិតមែនទែន។ មួយវិញទៀត នាវានេះគឺត្រូវសម្រាប់ក្រុមសេដ្ឋីមកពីបណ្ដាអឺរ៉ុបតែម្ដង ដែលចូលចិត្តកម្មវិធីជប់លៀងច្រើន។ ខណៈនៅកាតាវិញ ជាប្រទេសមានច្បាប់តឹងរឹងទៅលើគ្រឿងស្រវឹងនិងកម្មវិធីជប់លៀងផ្សេងៗ៕