ក្រុមបិសាចក្រហម Manchester United បានយកឈ្នះលើក្រុម Real Sociedad ក្នុងលទ្ធផល ១-០ ក្នុងការប្រកួតចុងក្រោយក្នុងពូល ប៉ុន្តែពួកគេនៅតែស្ថិតនៅលេខ២ដដែល។
សម្រាប់ប្រកួតទល់ Sociedad នេះដែរ ក្រុមបិសាចក្រហមត្រូវការឈ្នះយ៉ាងតិច២គ្រាប់ទើបអាចហក់ឡើងទៅលេខ១កំពូលតារាងបាន។ តែជាក់ស្ដែងនៅយប់មិញ ពួកគេយកឈ្នះបានត្រឹម ១-០ ប៉ុណ្ណោះ ដូច្នេះក្រុម Man Utd ស្ថិតនៅលេខ២ដែល ហើយត្រូវលេង Playoff ជាមួយក្រុមធ្លាក់ពីពានរង្វាន់ UEFA Champions League មកទៀត។
ដោយក្លឹបដែល Man Utd អាចប៉ះមាន FC Barcelona , Juventus , Ajax, Shakhtar Donetsk , Bayer Leverkusen, Sporting Lisbon, Red Bull Salzburg និង Sevilla ។ ការចាប់ឆ្នោតប៉ះគ្នានឹងត្រូវធ្វើឡើងនៅថ្ងៃចន្ទសប្ដាហ៍ក្រោយ៕