ការប្រកួតពានរង្វាន់តំបន់អាស៊ាន AFF Mitsubishi Cup 2022 នឹងចាប់ផ្ដើមការប្រកួត Play off ដំបូងរបស់ខ្លួននៅថ្ងៃទី៥ខែវិច្ឆិកាឆ្នាំ២០២២ខាងមុខនេះហើយ។
ពានរង្វាន់កម្រិតតំបន់មួយនេះ បានបែងចែកពូលរួចអស់ហើយ ប៉ុន្តែក៏នៅសល់២ក្រុមដែលត្រូវលេង Play off យកកៅអីចូលពូលជាមួយគេផងដែរ។ ដោយ២ក្រុមនោះគឺ ព្រុណណេ និងទីម័រខាងកើត។ ការប្រកួតនឹងធ្វើឡើង២ប្រកួត មានក្នុងដីនិងក្រៅដី ហើយលេងជើងទី១នៅថ្ងៃទី៥ និងជើងទី២នៅថ្ងៃទី៨ខែវិច្ឆិកាឆ្នាំ២០២២នេះ។ ដោយក្រុមឈ្នះនឹងចូលពូល A ជាមួយក្រុមកម្ពុជា ថៃ ហ្វីលីពីន និងឥណ្ឌូណេស៊ី។
ដោយឡែក១ពូលទៀតនោះ មានក្រុមវៀតណាម ម៉ាឡេស៊ី សិង្ហបុរី មីយ៉ាន់ម៉ា និងឡាវ។ ការប្រកួតផ្លូវការនៃពានរង្វាន់នេះ នឹងចាប់ផ្ដើមនៅថ្ងៃទី២០ខែធ្នូឆ្នាំ២០២២រហូតដល់ថ្ងៃទី១៦ខែមករាឆ្នាំ២០២៣៕