សេចក្ដីប្រកាសផ្លូវការមួយបានចេញឡើង ដោយម្ចាស់ក្លឹប Leicester City បានស្លាប់ក្នុងការធ្លាក់យន្ដហោះនៅម្សិលមិញនេះ ជាមួយមនុស្ស៤នាក់ផ្សេងទៀត។
លោក Vichai Srivaddhanaprabha ជាមួយសង្សាររបស់លោក ដែលជាអតីតតារាម៉ូដែលល្បីឈ្មោះរបស់ថៃ អមជាមួយជំនួយការម្នាក់ទៀត និងអ្នកបើកយន្ដហោះ២នាក់ បានស្លាប់ភ្លាមៗ ក្នុងការធ្លាក់យន្ដហោះម្សិលមិញ។ អ្នកគាំទ្រ និងកីឡាករទាំងអស់ រួមជាមួយក្លឹបបាល់ទាត់នានាបានចេញសេចក្ដី រំលែកទុក្ខជាមួយដំណឹងសោកសៅមួយនេះ។ លោក Vichai ត្រូវបានគេទទួលស្គាល់ថាជាបុរសសុភាព និងស្រលាញ់កីឡាបាល់ទាត់ពិតៗតែម្ដង។
លោក បានទិញក្លឹប Leicester City នេះ កាលពីឆ្នាំ២០១០ ក្នុងតម្លៃ៣៦លានផោន ហើយក៏អាចនាំក្រុមនេះឡើងមកលេងលីគកំពូល និងលើកពានបានថែមទៀតផង។ លោកគឺជាសេដ្ឋីមានជាងគេ លំដាប់ទី៥នៅប្រទេសថៃ៕ប្រភពDailyMail