Ronaldo ​ក្លាយ​ជា​វីរបុរស ជួយ Juventus ​ឈ្នះ Empoli ​២-១

Cristiano Ronaldo ​បាន​ក្លាយ​ជា​តួ​អង្គ​សំខាន់​ឱ្យ Juventus ​វាយ​បក​យក​ឈ្នះ​លើ​ក្រុម Empoli ​២-១ វិញ ​ក្នុង​ការ​ប្រកួត​កាល​ពី​យប់មិញ​នេះ។ការ​ប្រកួត​សប្ដាហ៍​ទី ១០​នៅ​លីគ​អ៊ីតាលី ​ក្រុម Juventus ​នៅ​តែ​មិន​ទាន់​រក​ឃើញ​ពាក្យ​ចាញ់​ដដែល ​ក្រោយ​ពី​អាច​វាយ​បក​យក​ឈ្នះ​លើ​ក្រុម Empoli ​វិញ​បាន។

​ម្ចាស់​ផ្ទះ Empoli ​រក​បាន​១​គ្រាប់​មុន ​នៅ​នាទី​២៨ ប៉ុន្តែ​វា​មិន​មែន​ជា​ជ័យជម្នះ​ទេ។ ចូល​តង់​ទី​២ ​Juventus ​ដែល​មាន​ដោយ​កីឡាករ​ឆ្នើម​ៗ​ច្រើន​នោះ ​រក​បាន​១​គ្រាប់​តាម​ស្មើ​វិញ ដោយ Ronaldo ​ទាត់​ប៉េណាល់ទី។

ក្រោយ​ពី​បាន​ស្មើ​គ្នា​នេះ​ហើយ ​ក្រុម​សេះ​បង្កង់​នៅ​តែ​បន្ដ​សម្រុក​ដដែល រហូត​ដល់​រក​បាន​១​គ្រាប់​ទៀត ​ដោយ Ronaldo ​ដដែល ដើម្បី​យក​ជ័យជម្នះ​តែ​ម្ដង។

Ronaldo ​បច្ចុប្បន្ន​រក​បាន​៧​គ្រាប់​ហើយ​នៅ​ក្លឹប Juventus ​ក្នុង​លីគ​អ៊ីតាលី។ ចំនួន​គ្រាប់​នេះ​បាន​ធ្វើ​ឱ្យ​រូបគេ​ឈរ​នៅ​ចំណាត់​ថ្នាក់​លេខ​២​ក្នុង​តារាង ​ដោយ​លេខ​១​បាន​ទៅ​លើ​កីឡាករ​របស់​ក្រុម Genoa ​ឈ្មោះ​ថា Paitek ​រក​បាន​៩​គ្រាប់៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT