ពានរង្វាន់ជើងឯកវិទ្យាល័យបានឈានដល់វគ្គផ្តាច់ព្រ័ត្រ រវាងក្រុមវិទ្យាល័យឥន្ទ្រទេវី និងវិទ្យាល័យព្រះស៊ីសុវត្ថិ នៅថ្ងៃទី១៩ ខែតុលា ឆ្នាំ២០២២ វេលាម៉ោង ៣:០០នាទីរសៀល នៅកីឡដ្ឋាន Cambodia Airway។
ក្រោយពីអាក់ខានរយៈពេល២ឆ្នាំកន្លងមក នៅឆ្នាំ២០២២នេះ ការប្រកួតពានរង្វាន់ជើងឯកវិទ្យាល័យក៏បានត្រលប់មកវិញ ដោយចាប់ផ្ដើមប្រកួតតាំងពីថ្ងៃទី៦ ខែកក្កដា ឆ្នាំ២០២២ មកម្ល៉េះ។ ដោយចុងបញ្ចប់ពួកគេក៏បានស្វែងរកជើងខ្លាំងដើម្បីលេងវគ្គផ្ដាច់ព្រ័ត្រហើយ។ ដោយល្ងាចនេះ ក្រុមក្រុមវិទ្យាល័យឥន្ទ្រទេវី និងវិទ្យាល័យព្រះស៊ីសុវត្ថិ នឹងត្រូវប៉ះគ្នាដើម្បីស្វែងរកអ្នកឈ្នះលើកពានតែម្ដង។
ពានរង្វាន់បាល់ទាត់ជើងឯកវិទ្យាល័យលើកទី២ ឆ្នាំ២០២២ មាន១២ ក្រុមចូលរួមប្រកួតរួមមាន៖វិទ្យាល័យឥន្ទ្រទេវី, វិទ្យាល័យឬស្សីកែវ, វិទ្យាល័យព្រះស៊ីសុវត្តិ, វិទ្យាល័យប៊ុនរ៉ានី ហ៊ុនសែន ពងទឹក, វិទ្យាល័យជាស៊ីមឈូកវ៉ា, វិទ្យាល័យហ៊ុន សែន ច្បារអំពៅ, វិទ្យាល័យបឹងត្របែក, វិទ្យាល័យជាស៊ីមសាមគ្គី, សាលាអន្តរជាតិវេសន៍ឡាញ, វិទ្យាល័យកោះដាច់, វិទ្យាល័យហ៊ុនសែន សេរីភាព និងវិទ្យាល័យសម្តេចហ៊ុន សែន ភ្នំពេញថ្មី៕