ការប្រកួតវគ្គផ្ដាច់ព្រ័ត្រនៃពានរង្វាន់ Hun Sen Cup រវាងក្រុមបឹងកេត និងវិសាខា នឹងធ្វើឡើងនៅថ្ងៃទី៦ខែវិច្ឆិកាឆ្នាំ២០២២ខាងមុខនេះហើយ នៅកីឡដ្ឋាន RSN របស់ភ្នំពេញក្រោន។
ក្រោយពីមានកិច្ចប្រជុំរវាងថ្នាក់ដឹកនាំក្លឹបទាំង៤ដែលនឹងត្រូវលេងវគ្គផ្ដាច់ព្រ័ត្រនៅថ្ងៃទី៦ក្រោយនេះ ពីកីឡដ្ឋានដែលត្រូវជ្រើសរើសលេងនោះ នៅចុងបញ្ចប់ក៏សម្រេចចិត្តយកកីឡដ្ឋាន RSN តែម្ដង។ ដោយសំណាងថានេះជាកីឡដ្ឋាននៅកណ្ដាល មិនស្ថិតនៅទឹកដីវិសាខា ឬបឹងកេតនោះទេ។ ដោយវាមានភាពស្មើគ្នាហើយរវាងក្រុមឡើងវគ្គផ្ដាច់ព្រ័ត្រទាំងពីរ ហើយកីឡដ្ឋាននេះទៀតសោតក៏ត្រូវតាមស្ដងដារអន្ដរជាតិផងដែរ។
និយាយពីម៉ោងនៃការប្រកួតវិញ នៅថ្ងៃទី៦ខែវិច្ឆិកាឆ្នាំ២០២២ខាងមុខនេះ ក្រុមភ្នំពេញក្រោន នឹងត្រូវលេងដណ្ដើមលេខ៣ជាមួយក្រុមអគ្គិសនីកម្ពុជាសិននៅម៉ោង៣:៣០នាទីរសៀល ហើយគូដណ្ដើមជើងឯកនឹងលេងនៅម៉ោង៦:៣០នាទី៕