លោក Xavi អ្នកចាត់ការក្រុម FC Barcelona បាននិយាយថាពានរង្វាន់ UEFA Champions League ហាក់បីដូចជាឃោ ឃៅមែនទែនសម្រាប់ក្រុមលោកនារដូវកាលនេះ។
ក្រុម Barcelona លេងស្មើក្រុម Inter Milan ក្នុងលទ្ធផល ៣-៣ ក្នុងការប្រកួតសប្ដាហ៍ទី៤កន្លងទៅនេះ ដែលធ្វើឱ្យក្រុមមួយនេះទើបមាន៤ពិន្ទុប៉ុណ្ណោះឆ្លងកាត់៤ប្រកួត។ ដោយសារតែសល់២ប្រកួតទៀតបញ្ចប់ក្នុងពូល ហើយលទ្ធផលពិន្ទុតិចនេះទៀត នឹងធ្វើឱ្យក្រុមអ្នកមានបុណ្យប្រឈមខ្លាំងក្នុងការធ្លាក់ទៅលេងនៅក្របខណ្ឌ Europa League មិនខាន។
លោក Xavi បានបង្ហាញចំណាប់អារម្មណ៍ទាក់ទងនឹងការប្រកួតខាងលើថា៖ “Champions League នេះពិតជាឃោ ឃៅចំពោះយើងណាស់។ តង់ទី១យើងលេងល្អ ប៉ុន្តែតង់ទី២យើងបង់បោះឱកាសចោលច្រើន។ គ្រាប់ទី១និងទី២សុទ្ធតែជាកំហុសនៅតំបន់ការពារ។ គ្រាប់ទី១ធ្វើឱ្យយើងបាត់បង់តុល្យភាព ហើយគ្រាប់ទី២មិនសមកើតឡើងទេសម្រាប់កម្រិតលេងរបស់យើង។ វាឃោ ឃៅសម្រាប់យើងតាំងពីនៅ Munich បន្ទាប់មក Milan ហើយនៅថ្ងៃនេះទៀត”៕