ក្រុម FC Barcelona ប្រឈមខ្លាំងមែនទែនក្នុងការធ្លាក់ទៅលេងនៅពានរង្វាន់ Europa League បន្ទាប់ពីពួកគេលេងបានត្រឹមស្មើជាមួយក្រុម Inter Milan ក្នុងលទ្ធផល ៣-៣ នៅយប់មិញ។
ការប្រកួតពានរង្វាន់ UEFA Champions League សប្ដាហ៍ទី៤កន្លងទៅនេះ ឃើញថាក្រុម Barcelona ខកខានឱកាសយក៣ពិន្ទុពីក្រុម Inter Milan ទៅហើយ។ មួយវិញទៀត លទ្ធផលស្មើគ្នា ៣-៣ ចែកគ្នាម្នាក់១ពិន្ទុនេះទៀត ក៏នឹងធ្វើឱ្យវាសនារបស់ក្រុមអ្នកមានបុណ្យកាន់តែពិបាកឡើងវគ្គ១៦ក្រុមថែមទៀត ត្បិតអីពួកគេឆ្លងកាត់៤ប្រកួតមកនេះ ទើបមាន៤ពិន្ទុប៉ុណ្ណោះ។ ស្របពេលក្រុម Inter Milan វិញ មានដល់៧ពិន្ទុទៅហើយ។
ដូច្នេះតាមប្រកួតនេះ ក្រុម Inter Milan មានសង្ឃឹមច្រើន ព្រោះនៅសល់២ប្រកួតទៀតបញ្ចប់ពូលហើយ ខណៈដែលពួកគេនៅប៉ះក្រុម Plzen ម្ដងទៀត និងប៉ះក្រុម Bayern Munich ។ Inter Milan ត្រូវការឈ្នះតែ១ប្រកួតក្នុងចំណោម២ប្រកួតនេះប៉ុណ្ណោះដើម្បីទម្លាក់ក្រុម Barcelona ឱ្យទៅលេងនៅ Europa League។ ស្របពេល Bayern Munich ក្នុងពូលបានឡើងដោយស្វ័យប្រវត្តិទៅហើយ៕