Ronaldo បានបង្កើតភាពអស្ចារ្យមិនគួរឱ្យជឿមួយផ្សេងទៀតបន្ទាប់ពីស៊ុតបញ្ចូលទីគ្រាប់ជ័យជម្នះរបស់ក្រុមខ្លួនទល់នឹង Everton កាលពីចុងសប្តាហ៍មុន និងឈានដល់គ្រាប់ទី ៧០០ សម្រាប់ក្លឹបក្នុងអាជីពរបស់គាត់។
កីឡាករវ័យ ៣៧ ឆ្នាំរូបនេះបានស៊ុតបញ្ចូលទីនៅ Sporting CP, Man United, Real Madrid និង Juventus កំឡុងពេលអាជីពបាល់ទាត់របស់គាត់។
គាត់ពិតជាធ្វើបានល្អក្នុងលីគធំៗទាំងបីនៅទូទាំងទ្វីបអឺរ៉ុប ហើយ Souness ជឿថាវាគ្រប់គ្រាន់ហើយសម្រាប់ហេតុផលដើម្បីគាត់ពេញចិត្ត Ronaldo ជាង Messi។ ប៉ុន្តែវីរបុរស Liverpool រូបនេះ បានចាត់ទុកថាពួកគេទាំងពីរល្អជាងវីរបុរស Diego Maradona។
បុរសវ័យ ៦៩ ឆ្នាំរូបនេះបានលើកហេតុផងគាំទ្រអំណះអំណាងរបស់គាត់ ដោយលើកឡើងថា Ronaldo បានបញ្ជាក់ពីភាពជោគជ័យរបស់គាត់នៅទូទាំង Premier League, La Liga និង Serie A។
គាត់ក៏បានអះអាងដែរថា Messi ហាក់ពិបាក នៅក្នុង Ligue 1 ចាប់តាំងពីផ្លាស់ទៅ Paris Saint-Germain ពី Barcelona៕
ប្រភព៖ Sportbible