បន្ទាប់ពីខ្ចីជើងមួយរយៈមក ពេលនេះក្លឹប Atletico Madrid បានសម្រេចទិញផ្ដាច់យកខ្សែប្រយុទ្ធ Antonio Griezmann ពីក្រុម FC Barcelona ហើយក្នុងតម្លៃខ្លួនត្រឹមតែ២០លានអឺរ៉ូប៉ុណ្ណោះកុងត្រាដល់ឆ្នាំ២០២៦។
Griezmann ជាកីឡាករថ្លៃបំផុតលំដាប់ទី៦របស់ក្រុម Barcelona ដែលទិញចូលនៅឆ្នាំ២០១៩កន្លងទៅពីក្រុម AT Madrid ក្នុងតម្លៃខ្លួនដល់ទៅ១២០លានអឺរ៉ូឯណោះ។ តែដោយសារលេងមិនបានល្អ ទើបត្រូវក្លឹបដាក់ឱ្យក្រុមរបស់លោក Simeone ខ្ចីជើងវិញ ហើយក៏ត្រូវទិញយកដាច់នៅពេលនេះក្នុងតម្លៃខ្លួនត្រឹមតែ២០លានអឺរ៉ូប៉ុណ្ណោះ។ ដោយនេះជារឿងដែលធ្វើឱ្យអ្នកគាំទ្រភ្ញាក់ផ្អើលជាខ្លាំង។
រំលឹកថាដំបូងឡើយក្នុងកិច្ចចុះកុងត្រាខ្ចីជើងរបស់ AT Madrid នោះថាពួកគេនឹងចំណាយ៤០លានអឺរ៉ូទិញដាច់ Griezmann ប្រសិនបើគេអាចលេងបានទៀងទាត់ឬលើសពី៥០%នៃការប្រកួត។ តែក្រុម AT Madrid មានល្បិចដែរ ដោយកន្លងមកនេះ ពួកគេមិនដែលដាក់កីឡាករបារាំងឱ្យលេងពេញ៩០នាទីនោះទេ ពោលគឺប្ដូរចូលនៅនាទី៦០ជាងទៅហើយ។ ធ្វើដូច្នេះទើបពួកគេមិនចាំបាច់ចំណាយដល់៤០លានអឺរ៉ូឡើយ ពោលគឺចាយត្រឹម២០លានអឺរ៉ូប៉ុណ្ណោះ ដើម្បីទិញ Griezmann ដាច់មកលេង៕