ឆ្លងកាត់ការប្រកួតសប្ដាហ៍ទី១៩មក នៅក្របខណ្ឌលីគលំដាប់ទី២របស់កម្ពុជា កំពុងប្រជែងគ្នាខ្លាំងមែនទែន ពោលគឺក្រុមចំនួន៤ឯណោះដែលកំពុងមានពិន្ទុស្មើគ្នាទៅហើយ។
កោះកុង, ISI Dankor Senchey , អគ្គិសនីកម្ពុជា និងនគរបាលជាតិ ជាក្រុមទាំង៤ដែលមាន៤២ពិន្ទុស្មើគ្នាតែម្ដង ឆ្លងកាត់១៩ប្រកួតមកនេះ។ លទ្ធផលនេះដែរកើតឡើង ក្រោយពីក្រុមកោះកុង ទើបតែទម្លាក់ក្រុមអគ្គិសនីកម្ពុជាពីកំពូលតារាងបានក្នុងលទ្ធផល ៣-១ កាលពីម្សិលមិញនេះ។ ខណៈដែលលទ្ធផលចាញ់របស់អគ្គិសនី ធ្វើឱ្យការប្រជែងគ្នាដើម្បីយកជើងឯកមានភាពស្វិតស្វាញខ្លាំងតែម្ដង។
ស្របពេលក្រុម ISI Dankor Senchay វិញ មានពិន្ទុស្មើគ្នាជាមួយក្រុមកំពូលតារាងដែរនេះក៏ព្រោះតែពួកគេយកឈ្នះលើក្រុមខេត្តត្បូងឃ្មុំក្នុងលទ្ធផល ៣-០ ផងដែរនៅកីឡដ្ឋានថ្មីរបស់ខ្លួន ដែលមានអ្នកគាំទ្រចូលទស្សនាយ៉ាងច្រើនកុះករ។ ងាកទៅក្រុមមួយទៀតដែលកំពុងប្រជែងដែរនោះ គឺក្រុមនគរបាល់ជាតិវិញ យកឈ្នះលើក្រុមបន្ទាយមានជ័យដល់ទៅ ៦-០ ឯណោះ៕