ក្រុមជម្រើសជាតិថៃ មិនចង់ទៅលេងនៅទឹកដីឥណ្ឌូណេស៊ីនោះទេ ក្រោយពីមានហេតុការណ៍អ្នកគាំទ្រប៉ះទង្គិចគ្នាស្លាប់រហូតដល់១២៥នាក់កាលពីដើមខែកន្លងទៅ។
ក្រុមថៃ ស្ថិតនៅពូលជាមួយក្រុមឥណ្ឌូណេស៊ីដែរក្នុងការប្រកួតពានរង្វាន់ AFF 2022 នៅចុងឆ្នាំនេះ។ ដោយការប្រកួតលេងដូរដីផងនោះ ក្រុមថៃក៏នឹងត្រូវប៉ះក្រុមឥណ្ឌូណេស៊ីនៅទឹកដីរបស់ពួកគេផងដែរ។ តែពេលនេះ ថៃហាក់ខ្លាចក្នុងការទៅលេងនៅទីនោះហើយ ក្រោយពីមានហេតុការណ៍អ្នកគាំទ្រស្លាប់រហូតដល់ជាង១០០នាក់នោះ។
សហព័ន្ធបាល់ទាត់ថៃបានស្នើដល់ AFF ដើម្បីសម្រួលនិងធានាឱ្យបានសុវត្ថិភាពសម្រាប់កីឡាករ និងអ្នកគាំទ្រថៃសិន មុនការប្រកួតរវាងក្រុមទាំងពីរកើតឡើង។ ដោយភាគីថៃ ទាមទារឱ្យឥណ្ឌូណេស៊ីរៀបចំរចនាសម្ព័ន្ធសុវត្ថិភាពឱ្យល្អជាងនេះ។ ខណៈដែលរាល់ដង ការប្រកួតនៅទឹកដីឥណ្ឌូណេស៊ី តិចក្ដីច្រើនក្ដី តែងតែមានហេតុការណ៏កើតឡើងជានិច្ច៕