ជារឿងភ្ញាក់ផ្អើលមួយសម្រាប់ក្រុម U17 ឡាវ ដែលមានឱកាសបានឡើងទៅលេងវគ្គផ្ដាច់ព្រ័ត្រ១៦ក្រុមចុងក្រោយនៃពានរង្វាន់ 2023 AFC U17 ក្រោយពីប្រកួតជម្រុះតាមពូលរួចមក។
ក្នុងការប្រកួតជម្រុះតាមពូលនេះដែរ ក្រុម U17 ឡាននៅពូលជាមួយក្រុមជើងខ្លាំងអ៊ីរ៉ង់ គីហ្សីស្ថាន និងហុងកុង។ តែក្រុមជាប់របងកម្ពុជាមួយនេះ មិនបោះបង់ឱកាសនោះទេ ត្បិតអីប្រកួតទី១ពួកគេ លេងចាញ់អ៊ីរ៉ង់ ៣-០ មែន តែប្រកួតបន្ទាប់យកឈ្នះក្រុមហុងកុង ៥-០ ហើយចុងក្រោយយកឈ្នះគីហ្សីស្ថានបាន ២-១ ទៀត។ ជាមួយចំណាត់ថ្នាក់លេខ២ក្នុងពូល និងមានគ្រាប់បាល់ចំណេញក្នុងដៃនេះដែរ បានធ្វើឱ្យក្រុម U17 ឡាវ បានជាប់ចំណាត់ថ្នាក់លេខ២ល្អបំផុត បានឱកាសឡើងទៅវគ្គចុងក្រោយនៃពានរង្វាន់ 2023 AFC U17 ផងដែរ។
ជុំចុងក្រោយយក១៦ក្រុមដើម្បីចូលរួមប្រកួត ដោយក្រុមលេខ១តាមពូលមាន ជប៉ុន ម៉ាឡេស៊ី កាតា អារ៉ាប់សាអូឌីត យ៉េម៉ែន វៀតណាម អូស្ត្រាលី តាជីគីស្ថាន អឺរ៉ុង និងអូប៉េគីស្ថាន។ ៦ក្រុមលេខ២ល្អបំផុតដែលបានឡើងទៅដែរនោះមាន កូរ៉េ ចិន អាហ្វហ្គានីស្ថាន ឥណ្ឌា ថៃ និងឡាវ។ ការប្រកួតជុំចុងក្រោយលេងនៅថ្ងៃទី៣ដល់២០ខែឧសភាឆ្នាំ២០២៣៕