Alexis Sanchez កំពុងរង់ចាំការស្នើសុំទិញខ្លួនពី សំណាក់ក្រុម PSG នៅខែមករាខាងមុខនេះ ក្រោយពីអស់អារម្មណ៍ជាមួយក្រុម Manchester United ហើយ។
ខ្សែប្រយុទ្ធវ័យ២៩ឆ្នាំខាងលើកំពុងតែជួបបញ្ហាច្រើនមែនទែន ដោយសារតែទម្រង់លេងរបស់ខ្លួនមិនល្អ ធ្វើឱ្យបាត់បង់តួនាទីប្រយុទ្ធជម្រើស១១នាក់ដំបូងទៅហើយ។ ជាមួយនឹងការមិនសប្បាយចិត្ត និងអ្នកចាត់ការ Jose Mourinho ផងនោះ កីឡាករឈីលីរូបនេះ ត្រូវបានគេដឹងថាចង់ចាកចេញពីក្លឹបនេះទៅរកក្លឹបថ្មីហើយ។ ក្លឹប១ដែល Sanchez ចង់ទៅលេងបន្ដនោះ គឺ PSG ដែលជាក្រុមអ្នកមានមួយនៅបារាំង និងធ្លាប់ចង់បានរូបគេកាលនៅ Arsenal ។ គេរំពឹងថានឹងមានការផ្ទេរចេញបានសម្រេចនៅខែមករាឆ្នាំ២០១៩ខាងមុខនេះ។
ម្ចាស់អាវលេខ៧ ទើបតែចូលរួមជាមួយ Man Utd នៅខែមករាដើមឆ្នាំ២០១៨ ហើយទទួលបានប្រាក់ឈ្នួលដល់៥សែនផោនឯណោះក្នុង១សប្ដាហ៍នៅ Old Trafford នេះ៕ប្រភពDailyMail
