ខ្សែប្រយុទ្ធ Earling Haaland រកបានជាង៨០ម៉ឺនផោន ឬជាង៩០ម៉ឺនដុល្លារនៅក្រុម Manchester City បន្ទាប់ពីរូបគេបានបង្ហាញទម្រង់លេងយ៉ាងល្អនាដើមរដូវកាលនេះ។
Haaland ត្រូវក្រុម Manchester City ទិញចូលក្នុងតម្លៃខ្លួន៥១លានផោនពីក្រុម Dortmund មក។ តាំងពីផ្ទេរមកលេងនៅអង់គ្លេសនេះ ខ្សែប្រយុទ្ធវ័យ២២ឆ្នាំរកបានគ្រាប់បាល់ច្រើនមែនទែនដល់ទៅ១៩គ្រាប់ទៅហើយឱ្យក្រុម Man City ពោលគឺស៊ុតមិនប្រណីជើងនោះទេ។ ដោយសារតែជួយក្រុមបានយ៉ាងច្រើននេះហើយ ទើបបានជារូបគេទទួលបានប្រាក់ Bonus ពីក្លឹបច្រើនមែនទែន។
ជាក់ស្ដែងប្រភពនៅអង់គ្លេសបានអះអាងថា Haaland មានចំណូលជិត៩០ម៉ឺនផោនក្នុង១សប្ដាហ៍។ ដោយការទទួលបានប្រាក់យ៉ាងច្រើននេះដែរ ក៏ព្រោះតែគេមានតម្លៃពលកម្មខ្ពស់នៅក្លឹបទៅហើយ និងថែមទទួលបានប្រាក់ Bonus ច្រើនថែមទៀត៕