ក្រុម Sevilla បានធ្វើការប្រកាសតែងតាំងលោក Sampaoli ធ្វើជាអ្នកចាត់ការក្រុមជំនួសលោក Lopetegui ដែលត្រូវដកចេញពីតំណែងកាលពីម្សិលមិញនេះ។
ក្រុម Sevilla បានដេញលោក Lopetegui ចេញពីតំណែង ក្រោយពីធ្វើមិនបានល្អទាំងនៅ La Liga និងក្របខណ្ឌ UEFA Champions League ។ ការប្រកាសដកតំណែងមិនបាន១ថ្ងសផង ក្រុម Sevilla ក៏រកបានអ្នកចាត់ការថ្មីទៅហើយ គឺអតីតគ្រូបង្វឹករបស់ខ្លួន Sampaoli ។ លោកនឹងមកដឹកនាំក្រុមនេះរហូតដល់ឆ្នាំ២០២៤។ គ្រូបង្វឹករូបនេះ ធ្លាប់ដឹកនាំ Sevilla ម្ដងមកហើយនៅឆ្នាំ២០១៦-១៧ ហើយក៏ចាកចេញពីក្រុមទៅដឹកនាំជម្រើសជាតិអាហ្សង់ទីនវិញ។
បុរសវ័យ៦២ឆ្នាំនេះ ធ្លាប់ដឹកនាំក្រុមច្រើនដែរដូចជា Santos , Atletico Mineiro និងចុងក្រោយដឹកនាំក្រុម Marseille កាលពីរដូវកាលមុននេះ។ និយាយការដឹកនាំក្រុម Sevilla លើកមុនវិញ លោកជួយក្រុមនេះឱ្យឡើងដល់វគ្គ១៦ក្រុមចុងក្រោយ UEFA Champions League និងបានចំណាត់ថ្នាក់លេខ៤ផងដែរនៅ La Liga នារដូវកាលនោះ៕