ក្រុមកាំភ្លើងធំ Arsenal ពិតជាធ្វើបានល្អណាស់ក្នុងការប្រកួតពានរង្វាន់ UEFA Europa League ដោយយកឈ្នះលើក្រុម Bodo ក្នុងលទ្ធផល ៣-០។
Eddie Nketiah, Rob Holding និង Fabio Vieira សុទ្ធតែជាអ្នករកគ្រាប់បាល់បានឱ្យក្រុម Arsenal ក្នុងការប្រកួតនៅពានរង្វាន់លំដាប់ទី២នៅអឺរ៉ុប។ ដោយនេះជាសញ្ញាល្អមួយផងដែរសម្រាប់ក្រុមរបស់លោក Mikel Arteta ដែលនឹងត្រូវតតាំងជាមួយក្រុម Liverpool នៅចុងសប្ដាហ៍នេះទៀត។ ខណៈដែលកាំភ្លើងធំ ប៉ុន្មានប្រកួតមកនេះឈ្នះគ្រប់ប្រកួតទៅហើយដែរ។
លោក Arteta បាននិយាយថា៖ “អ្វីដែលខ្ញុំបានប្រាប់ទៅកីឡាករ គឺគ្រប់ប្រកួតសុទ្ធតែពិបាក យើងបានបង្កើតឱកាសច្រើន និងផ្ដល់ឱ្យកីឡាករដែលសក្ដិសមសម្រាប់ចូលលេង។ ខ្ញុំសប្បាយចិត្ដដែលយើងរកបាន៣គ្រាប់ និងរក្សាសំណាញ់ទីបាន ប៉ុន្តែខ្ញុំក៏គិតទៀតថាយើងអាចធ្វើបានល្អជាងនេះទៅទៀតសម្រាប់ការប្រកួតខាងមុខ”៕