តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Golden Deer។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Golden Deer ជាក្រុមមានមូលដ្ឋានស្ថិតក្នងទីក្រុងភ្នំពេញ បង្កើតឡើងជាង ១ ឆ្នាំកន្លះ និងមានសមាជិកសរុប ១៨ នាក់។ តំណាងក្រុម លោក រុន ហុង បានលើកឡើងយ៉ាងដូច្នោះថា៖
ខ្ញុំចង់ឲ្យយុវជនរបស់យេីង ឆ្លៀតពេលវេលាដ៏មានតម្លៃពីការសិក្សា និងការងារ ងាកមកចូលរួមលេងកីឡា ហើយជៀសឆ្ងាយពីអំពើអបាយមុខផ្សេងៗ ដែលសង្គមមិនទទួលស្គាល់ រួចចំពោះឆន្ទៈក្រុមទៅថ្ងៃអនាគត ប្រសិនអាចពួកយើងនៅបន្តសហការគ្នាបានល្អ នោះនឹងវិវត្តឆ្ពោះទៅការប្រកួតប្រជែងនៅកម្រិតក្លឹបពាក់កណ្តាលអាជីព បើអាចមានលទ្ធភាព។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
តំណាងឲ្យក្រុមទាំងមូល ខ្ញុំពិតជាមានការអរគុណដល់ក្រុមហ៊ុន 2MBET ដែលបានឧបត្ថម្ភឈុតសំលៀកបំពាក់ដល់ក្រុមខ្ញុំ ហើយក៏សូមជូនពរឲ្យក្រុមហ៊ុនកាន់តែរីកចម្រើនឡើងទៅមុខជារៀងរហូត៕