ការប្រកួតពានរង្វាន់ Hun Sen Cup ជើងទី១វគ្គពាក់កណ្ដាលផ្ដាច់ព្រ័ត្រនៅល្ងាចម្សិលមិញនេះបានបញ្ចប់ទៅដោយក្រុមបឹងកេតយកឈ្នះក្រុមអគ្គិសនីកម្ពុជា ៣-០ និងក្រុមវិសាខាវិញ យកឈ្នះក្រុមភ្នំពេញក្រោនបាន ២-១។
បឹងកេតបានយកឈ្នះក្រុមអគ្គិសនីនៅកីឡដ្ឋាន Cambodia Airway ផុយៗដល់ទៅ ៣-០ ដោយ៣គ្រាប់នោះរកបានដោយ សេត រ៉ស៊ីប១គ្រាប់ និងម៉ាត់ នូរុណ២គ្រាប់។ ការចំណេញដល់ទៅ៣គ្រាប់នេះដែរ នឹងធ្វើឱ្យក្រុមបឹងកេតមានទឹកមាត់លេបច្រើនក្នុងការលេងនៅជើងទី២ខាងមុខនេះផងដែរ។ ដោយឡែកមួយគូទៀត វិសាខា បន្ដធ្វើបានល្អដដែល ដោយយកឈ្នះលើក្រុមភ្នំពេញក្រោនបានក្នុងលទ្ធផល ២-១។
ការប្រកួតជើងទី២នៃពានរង្វាន់ខាងលើនឹងធ្វើឡើងនៅថ្ងៃទី១២ខែតុលាឆ្នាំ២០២២ខាងមុខ។ នៅវគ្គពាក់កណ្ដាលផ្ដាច់ព្រ័ត្រនេះដែរ ប្រសិនបើក្រុមលេងស្មើគ្នា និងតម្រូវឱ្យថែម១៥នាទី២ដង មុនឈានដល់ការទាត់ប៉េណាល់ទីកាត់សេចក្ដី៕