លោក Erik ten Hag ទទួលស្គាល់ថាខ្សែប្រយុទ្ធ Cristiano Ronaldo បានបង្ហាញការមិនសប្បាយចិត្តរួចទៅហើយនៅពេលដែលគេមិនបានចូលលេងនៅលើទីលាន។
Ronaldo វ័យ៣៧ឆ្នាំបានជាប់ជម្រើសដំបូងក្នុងលីគតែម្ដងគត់ ហើយចុងក្រោយនេះលេងទល់ក្រុម Manchester City គេមិនបានចូលលេងថែមទៀត។ ខណៈដែលពានរង្វាន់ UEFA Europa League វិញ២ប្រកួតកន្លងមកបានលេងទាំងពីរប្រកួត។ ការមិនសូវដាក់ឱ្យលេងនេះដែរ មិនមែនមកពីបញ្ហារបួសអ្វីនោះទេ ប៉ុន្តែវាជាការសម្រេចចិត្តរបស់ Ten Hag ផ្ទាល់តែម្ដង។
អ្នកចាត់ការ Ten Hag បាននិយាយកាលពីម្សិលមិញនេះថា៖ “គាត់មិនសប្បាយចិត្ត គ្រប់គ្នាបានដឹងហើយ។ គាត់ជាកីឡាករចង់ឈ្នះ ចង់លេង ហើយការមិនបានលេងទៀងទាត់គឺពិតជាធ្វើឱ្យគាត់មិនសប្បាយចិត្តនោះទេ។ តែដូចខ្ញុំបាននិយាយហើយ គាត់នៅតែហ្វឹកហាត់បានល្អ និងផ្ដោតអារម្មណ៍ដើម្បីត្រៀមខ្លួនជានិច្ច។ នេះជាអ្វីដែលគាត់តែងតែផ្ដល់ និងជាកីឡាករអាជីពម្នាក់”៕