ខ្សែប្រយុទ្ធ Lionel Messi ស៊ុត១គ្រាប់ឱ្យក្រុម PSG កោងចូលទីយ៉ាងស្អាត ប៉ុន្ដែគួរឱ្យសោកស្ដាយពួកគេមិនអាចយកឈ្នះលើក្រុម Benfica បាននោះទេក្នុងពានរង្វាន់ UEFA Champions League។
ក្រុម PSG លេងឈ្នះរហូតកន្លងមក ប៉ុន្តែប្រកួតទល់ក្រុម Benfica នៅយប់មិញនេះ ពួកគេមិនអាចយកបាន៣ពិន្ទុនោះទេ។ Messi បើកឆាក១គ្រាប់បានមុន ដោយស៊ុតកោងបញ្ចូលទីយ៉ាងស្អាត ប៉ុន្តែក៏ត្រូវបានក្រុមម្ចាស់ផ្ទះរកបានគ្រាប់បាល់ស្មើវិញបានផងដែរមុនចប់តង់ទី១។ ខណៈដែលតង់ទី២ ក្រុមទាំងពីរមិនមានគ្រាប់បាល់កើតឡើងទៀតទេ ដោយបញ្ចប់ក្នុងលទ្ធផលស្មើគ្នានេះ ១-១ ។
ជាមួយលទ្ធផលនេះដែរ ឆ្លងកាត់៣ប្រកួត ក្រុម PSG នៅលេខ១ និងក្រុម Benfica នៅលេខ២ មានពិន្ទុ៧ដូចគ្នា។ ក្រុមលេខ៣ Juventus មាន៣ពិន្ទុ និងក្រុម Maccabi Haifa មាន០ពិន្ទុ៕