ក្រុមតោខៀវ Chelsea កាន់តែប្រសើរឡើងទៅហើយ ដោយបន្ដយកឈ្នះលើក្រុម AC Milan ជើងឯកអ៊ីតាលីបានក្នុងលទ្ធផល ៣-០ ក្នុងពានរង្វាន់ UEFA Champions League ។
វត្ដមានរបស់លោក Graham Potter បានកែប្រែក្រុមតោខៀវ Chelsea ច្រើន ដោយពួកគេផ្លាស់ប្ដូរទាំងទម្រង់លេង និងការតាំងចិត្តផងដែរ។ អ្វីដែលពិសេសថែមទៀតនោះ ការមកដល់របស់ខ្សែប្រយុទ្ធ Pierre-Emerick Aubameyang ក៏តែងតែរកគ្រាប់បាល់បានផងដែរ។ ជាក់ស្ដែង ជ័យជម្នះលើក្រុម AC Milan ក៏ខ្សែប្រយុទ្ធ Aubameyang រកបាន១គ្រាប់ផងដែរក្នុងចំណោម៣គ្រាប់ដែលរកបាន។
ជាមួយការឈ្នះនេះដែរ ក្រុម Chelsea ក៏បានងើបចេញពីបាតតារាងឡើងមកលេខ២វិញផងដែរ។ ក្រុមលេខ១ Salzburg មាន៥ពិន្ទុ ក្រុមលេខ២ Chelsea មាន៤ពិន្ទុ ក្រុមលេខ៣ AC Milan មាន៤ពិន្ទុដែរ និងក្រុមលេខ៤ Dinamo Zagreb មាន៣ពិន្ទុ៕