ខ្សែប្រយុទ្ធ Earling Haaland រកបាន២គ្រាប់ទៀតហើយឱ្យក្រុម Manchester City ក្នុងការប្រកួតដែលឈ្នះក្រុម FC Copenhagen លទ្ធផល ៥-០ ក្នុងពានរង្វាន់ UEFA Champions League។
ច្បាស់ណាស់ប្រកួតនេះ ក្រុម Man City មានភាគរយឈ្នះច្រើនជាងក្រុម FC Copenhagen ព្រោះពួកគេលេងបានល្អជាង ហើយសមាជិកក្រុមវិញក៏ល្អៗខ្លាំងដែរ។ ជាពិសេសវត្ដមានរបស់ Earling Haaland តែម្ដង ដែលរកគ្រាប់បាល់បានសឹងគ្រប់ការប្រកួតទៅហើយ។ ទើបតែស៊ុត Man Utd បាន៣គ្រាប់កន្លងទៅ នៅយប់មិញនេះ ខ្សែប្រយុទ្ធន័រវែសរកបាន២គ្រាប់បន្ថែមទៀតផងដែរក្នុងជ័យជម្នះ ៥-០ លើក្រុម FC Copenhagen នោះ។
សរុបមកដល់ពេលនេះ Haaland រកបាន១៩គ្រាប់ទៅហើយឱ្យក្រុមមេឃខៀវ Man City ដែលទើបនឹងចាប់ផ្ដើមរដូវកាលប៉ុណ្ណោះ។ ស្របពេលក្នុងពានរង្វាន់ UEFA Champions League វិញ គេរកបានគ្រាប់បាល់សរុប២៨គ្រាប់ទៅហើយក្នុងការបង្ហាញខ្លួនត្រឹម២២ប្រកួតប៉ុណ្ណោះ៕