ក្រុមអ្នកមានបុណ្យ FC Barcelona បានបរាជ័យក្រោមថ្វីជើងក្រុម Inter Milan ក្នុងលទ្ធផល ១-០ សម្រាប់ការប្រកួតពានរង្វាន់ UEFA Champions League នៅយប់មិញ។
ក្នុងការប្រកួតនៅទឹកដីអ៊ីតាលីនេះដែរ ក្រុមអ្នកមានបុណ្យសម្រុកខ្លាំងទៅលើក្រុមម្ចាស់ផ្ទះដែរ ប៉ុន្តែមិនអាចសម្រេចគ្រាប់បាល់នោះទេ។ ផ្ទុយទៅវិញនៅចុងតង់ទី១ទៅហើយ ក្រុម Inter Milan ស៊ុតពីចម្ងាយ១គ្រាប់បញ្ចូលទីយ៉ាងស្អាត ជួយឱ្យពួកគេយកបាន៣ពិន្ទុដ៏សំខាន់នេះបាន។ ជាមួយការបាន៣ពិន្ទុបន្ថែមទៀតនេះដែរ ក៏បានជួយឱ្យក្រុម Inter Milan ឈរនៅលេខ២ក្នុងពូលផងដែរ។
តែក្រោយពីចប់ការប្រកួតទៅ ក៏មានមតិរិះគន់ច្រើនទៅលើអាជ្ញាកណ្ដាលថាលម្អៀងទៅក្រុម Inter Milan ផងដែរ។ ជាក់ស្ដែង ១គ្រាប់ដែលក្រុម Barcelona ស៊ុតចូលទៅហើយនោះ បែរជាត្រូវរំសាយចោលវិញ ក្រោយពីឆែក VAR ឃើញថាជាបាល់ប៉ះដៃ។ ហើយមួយកន្លែងទៀត កីឡាករ Inter ប៉ះដៃដែរ ប៉ុន្តែបែរជាមិនផ្ដល់បាល់ប៉េណាល់ទីទៅវិញ៕