Earling Haaland រកបាន៣គ្រាប់ម្នាក់ឯងទល់ក្រុម Manchester United ដែលធ្វើឱ្យរូបគេរកបានដល់ទៅ១៧គ្រាប់ហើយនារដូវកាលនេះឱ្យក្រុម Manchester City ។
ចំនួននេះបានធ្វើឱ្យអ្នកវិភាគជាច្រើនមើលឃើញថាសមត្ថភាពរបស់ខ្សែប្រយុទ្ធវ័យក្មេងនេះពិតជាឡើងខ្លាំងមែនទែន។ ហើយក៏មានខ្លះបានយកទៅប្រៀបជាមួយកីឡាករ Lionel Messi ផងដែរ ថាមានកម្រិតលេងប្រហាក់ប្រហែលគ្នា។ តែសម្រាប់មតិរបស់លោក Pep Guardiola មើលឃើញខ្សែប្រយទ្ធ២នាក់នេះខុសគ្នាទាំងស្រង់តែម្ដង។ ដោយ Pep អះអាងថា Haaland ជាខ្សែប្រយុទ្ធធ្វើបានល្អណាស់តែមានមិត្តរួមក្រុមត្រូវជួយពីក្រោយ។ តែបើសម្រាប់ Lionel Messi វិញ គេជាអ្នកបង្កើតឱកាសផង ហើយបញ្ចប់ទីដោយខ្លួនឯងផង។
ទន្ទឹមគ្នាជាមួយការអះអាងរបស់លោក Pep នេះដែរ ក៏មានមតិមួយចំនួនវាយបកទៅវិញផងដែរ។ ដោយពួកគេអះអាងថា Messi កន្លងទៅក៏មានមិត្តរួមក្រុមជួយពីក្រោយដូចគ្នា ដោយជំនាន់មាន Xavi, Iniesta និង Neymar ជាដើម៕