មានការប៉ុនប៉ងដើម្បីបង្រួបបង្រួម Roy Keane និង Alfie Haaland នៅមុនការប្រកួត Manchester Derby នៅថ្ងៃអាទិត្យ ប៉ុន្តែផែនការរៀបចំការចាប់ដៃគ្នារវាងអ្នកទាំងពីរបានបរាជ័យ។
ត្រលប់ទៅឆ្នាំ ២០០១ អតីតប្រធានក្រុម Manchester United លោក Keane ត្រូវបានបណ្តេញចេញសម្រាប់ការប៉ះទង្គិចគ្នាដ៏គួរឱ្យភ្ញាក់ផ្អើលមួយលើ Alfie Haaland នៅ Old Trafford។
Keane ត្រូវបានបណ្តេញចេញសម្រាប់កំហុសរបស់គាត់ ដោយត្រូវបានជាប់បម្រាមមិនឲ្យចូលលេងចំនួន ៣ ប្រកួត ហើយបន្ទាប់មកត្រូវបានហាមឃាត់ ៥ ប្រកួតបន្ថែមទៀត នៅពេលដែលគេរកឃើញបន្ថែមទៀតថា កំហុសរបស់គាត់នេះ គឺជាទង្វើនៃការសងសឹកដែលបានគិតទុកជាមុន។
Alfie Haaland នៅទីបំផុតបានចូលនិវត្តន៍ដោយសាររបួសមួយនេះក្នុងឆ្នាំ ២០០៣ ហើយចាប់តាំងពីពេលនោះមក អ្នកទាំងពីរនៅមិនទាន់បានដោះស្រាយបញ្ហានេះជាមួយគ្នានៅឡើយទេ។
យោងតាមអ្នកកាសែត Manchester Evening News លោក Samuel Luckhurst បានឱ្យដឹងថា នៅពេលនោះ ស្ថានីយ៍ទូរទស្សន៍មួយបានព្យាយាមឱ្យអស់ពីសមត្ថភាពដើម្បីសម្របសម្រួលឲ្យពួកគេជួបជុំគ្នាឡើងវិញនៅ Etihad នៅរសៀលថ្ងៃអាទិត្យ មុនពេលចាប់ផ្តើមការប្រកួត។
ប៉ុន្តែការប៉ុនប៉ងនេះមិនជោគជ័យនោះទេ ដោយ Roy Keane នៅពីមុខរង្វង់កណ្តាល ហើយ Alfie Haaland មានចំងាយប្រហែល ២៥ យ៉ាដពីទីលាន៕
ប្រភព៖ Sportbible