លោក Roy Keane បានចោទប្រកាន់ក្រុម Manchester United ថា “ខ្វះការគោរព” ចំពោះ Cristiano Ronaldo បន្ទាប់ពីកីឡាករព័រទុយហ្គាល់រូបនេះត្រូវបានទុកចោលនៅកៅអីបម្រុងក្នុងការប្រកួតចាញ់ Manchester City កាលពីថ្ងៃអាទិត្យ។
ពួកគេត្រូវបានក្រុមម្ចាស់ផ្ទះ City វាយលុកសម្រុកយ៉ាងខ្លាំងដែលជាលទ្ធផល ពួកគេរងបរាជ័យ ៦-៣ ក្រោមថ្វីដៃរបស់ក្រុមការពារតំណែងជើងឯក ដោយមាន Erling Haaland និង Phil Foden ស៊ុតបញ្ចូលទីបានម្នាក់បីគ្រាប់ឱ្យក្រុម Pep Guardiola។
ក្រោយចប់ការប្រកួត អ្នកចាត់ការសញ្ជាតិហូឡង់រូបនេះថាមិនប្តូរ Ronaldo ចូលលេង ជាការគោរពចំពោះអាជីពរបស់តារាព័រទុយហ្គាល់រូបនេះទេ។
ទោះជាយ៉ាងណាក៏ដោយ Keane អតីតប្រធានក្រុម Manchester United ជឿជាក់ថា Ten Hag សម្រេចបានលទ្ធផលផ្ទុយគ្នា ហើយពិតជា “មិនគោរព” Ronaldo ក្នុងរដូវកាលនេះ។
Keane បានប្រាប់ Sky Sports ថា “ខ្ញុំគិតថាវាគួរឱ្យអស់សំណើចណាស់សម្រាប់កីឡាករដែលមានកម្រិតខ្ពស់ដូចគាត់ ត្រូវបាន Man United ដាក់គាត់នៅកៅអីបម្រុង”។
សូម្បីតែថ្ងៃនេះគាត់អាចចូលលេងបានទេ? ពិតណាស់គាត់អាចចូលលេងបាន។ ដូច្នេះចុះចូលលេងយ៉ាងណាបើកំពុងចាញ់គេ ៤-០ ទៅហើយ។ ប្រសិនបើអ្នកក្រឡេកមើលកំណត់ត្រាស៊ុតបញ្ចូលទីរបស់គាត់ គាត់មានឱកាសល្អក្នុងការស៊ុតបញ្ចូលទីដូចគេដែរ។
“កីឡាករដែលឈ្លក់វង្វេងនឹងការដាក់សម្ពាធក្នុងការប្រកួត… ប្រសិនបើអ្នកដាក់បាល់នៅក្នុងតំបន់ត្រឹមត្រូវ គាត់នឹងរកគ្រាប់បាល់បាន”។
Keane បានបន្ថែមថា “Man United កំពុងបង្ហាញការមិនគោរពចំពោះ Ronaldo” ។
“ខ្ញុំគិតថាគាត់គួរតែត្រូវបានគេអនុញ្ញាតឱ្យចាកចេញមុនពេលទីផ្សារផ្ទេរដោះដូរកីឡាករបិទ”៕
ប្រភព៖ Sportbible