មានចម្ងល់ជាច្រើនបានដាក់ទៅលើលោក Erik ten Hag បន្ទាប់ពីលោកមិនដូរ Cristiano Ronaldo ចូលលេងសោះក្នុងការប្រកួតដែលចាញ់ក្រុម Manchester City ក្នុងលទ្ធផល ៦-៣។
ឆ្លើយជាមួយអ្នកកាសែតទៅលើសំនួរនេះ លោក Ten Hag ហាក់គេចមិនចង់និយាយចំៗនោះទេ។ អតីតគ្រូបង្វឹករបស់ក្រុម Ajax បានពោលថា៖ “ខ្ញុំមិនចង់និយាយអ្វីច្រើនទេ ចំពោះការមិនគោរពដល់ Ronaldo ។ តែរឿងមួយទៀតដែលល្អសម្រាប់ក្រុមគឺខ្ញុំត្រូវដាក់ Martial ឱ្យលេង គាត់ត្រូវការលេងខ្លះ ប៉ុន្តែខ្ញុំមិនចង់ផ្ដោតទៅលើចំណុចនេះខ្លាំងឡើយ”។
រំលឹកថានារដូវកាលនេះ Ronaldo មិនសួវបានលេងពេញលេញឡើយ បើទោះជាគេមិនមានបញ្ហារបួសអ្វីក៏ដោយ។ កត្ដានេះ ទំនងមកពីអាយុរបស់ខ្សែប្រយុទ្ធវ័យ៣៧ឆ្នាំនេះជ្រេបន្ដិចហើយ ដែលពិបាកក្នុងការទទួលបានទំនុកចិត្តពីលោក Ten Hag មែនទែន៕